Տվյալների աղբյուր օբյեկտ

Տվյալների աղբյուրը պետք է համակարգում նախօրոք նկարագրված լինի։ Այն բեռնվում է Data ֆունկցիայի միջոցով։

Տվյալների աղբյուրի միջոցով հնարավոր է կարդալ աղյուսակային տվյալները տող առ տող։ Աղյուսակային տվյալները կարող են ստացված լինել SQL հարցումով կամ լինել հիշողության մեջ բեռնված երկչափ մասիվ (XArrayDB)։

AsData-ի նախնական պարամետրերը լրացնելուց հետո պետք է կանչել OpenCursor մեթոդը, որից հետո բացվում է նշորդ (Cursor) աղյուսակային տվյալների (առաջին տողի) վրա։

Հատկություններ	Նկարագրություն
ArrayBased	Ցույց է տալիս, արդյոք տվյալների աղբյուրը հիմնված է մասիվի (XArrayDB) վրա։
Caption	Վերադարձնում է տվյալների աղբյուրի անվանումը։
CurrentIndicate	Վերադարձնում է հաշվարկվող տվյալների աղբյուրի կատարման ընթացքի ցուցադրման ձևը։
CursorRowCount	Վերադարձնում է տողերի քանակը բաց տվյալների աղբյուրի մեջ։
DColCount	Վերադարձնում է սյունակների քանակը տվյալների աղբյուրի մեջ։
DefaultIndicate	Վերադարձնում է տվյալների աղբյուրի կատարման ընթացքի նկարագրության մեջ սահմանված ցուցադրման ձևը։
DisableValidFunction	Անջատում է Valid իրադարձությունը։
DParCount	Վերադարձնում է տվյալների աղբյուրի պարամետրի քանակը։
ECaption	Վերադարձնում է տվյալների աղբյուրի անվանումը օտար լեզվով։
EOF	Ցույց է տալիս տվյալների վերջին հասած լինելը (նշորդով կարդալու ժամանակ)։
IndicateCaption	Վերադարձնում կամ նշանակում է ընթացագոտու պատուհանի գլխագիրը։
Name	Վերադարձնում է տվյալների աղբյուրի ներքին անունը։
Parameters	Վերադարձնում կամ նշանակում է պարամետրերի արժեքները։
SQL	Վերադարձնում է տվյալների աղբյուրի SQL հարցման տեքստը, որը գրված է նկարագրության մեջ, բայց ոչ SQL իրադարձության ժամանակ հաշվարկված հարցման տեքստը։
UpdateSql	Վերադարձնում է SQL հարցման տեքստը տվյալների աղբյուրի թարմացման համար, որը գրված է նկարագրության մեջ, բայց ոչ SQL իրադարձության ժամանակ հաշվարկված հարցման տեքստը։

Մեթոդներ	Նկարագրություն
ClearParameters	Մաքրում է տվյալների աղբյուրի պարամետրերի ցուցակը:
CloseCursor	Փակում է տվյալների աղբյուրի բաց նշորդը։
CloseUpdateCursor	Փակում է տվյալների աղբյուրի թարմացնող բաց նշորդը։
Formatted	Վերադարձնում է ընթացիկ տողում սյունակի արժեքը տողայնացված։
MoveFirst	Նշորդը տեղափոխում է բաց տվյալների աղբյուրի առաջին տողի վրա։
MoveLast	Նշորդը տեղափոխում է բաց տվյալների աղբյուրի վերջին տողի վրա։
MoveNext	Նշորդը տեղափոխում է բաց տվյալների աղբյուրի հաջորդ տողի վրա։
MovePrevious	Նշորդը տեղափոխում է բաց տվյալների աղբյուրի նախորդ տողի վրա։
OpenCursor	Բացում է նշորդ տվյալների աղբյուրի աղյուսակային տվյալների վրա։
OpenUpdateCursor	Բացում է նշորդ տվյալների աղբյուրի թարմացման համար։
RSColValue	Վերադարձնում է տվյալների աղբյուրի SQL հարցումով բացված ներքին rdoResultset-ի սյունակի արժեքը։
Value	Վերադարձնում է ընթացիկ տողում սյունակի արժեքը։