Հաշվառման նկարագրություն

Եթե փաստաթղթի համար հարկավոր է վարել որևիցե տվյալի ժամանակագրական հաշվառում, ապա այն պետք է նկարագրել համակարգում, նշելով բոլոր հնարավոր գործողությունները, մնացորդային լինելը, արժույթային լինելը և այլն։ Հաշվառումը վարվում է գործառնությունների գրանցմամբ HI աղյուսակում։

Մինչ գործառնությունների գրանցումը, կարող է հայտնվել գործառնությունների և մնացորդների նախական ցուցադրման մեկ պատուհան։

Շարահյուսություն

Accounting {
    Name = sAccName; 
    Caption = sAccCaption;
    MainFolder = sMainFolder;
    AccFolder = sAccFolder;
    Currency = nCurrencyPresent;
    Remainder = nRemainderPresent;
    Limit = nLimitCheck;
    RoundSumma = nRoundSumma;
    RoundCurSumma = nRoundCurSumma;
    LinkedAccounting = sLinkedAccounting;
    Description = sAccDescription;
    FactHeader = sFactHeader;
    RemHeader = sRemHeader;
    Version = nVersion;

    Operation { Name = sNameOperation1; Caption = sCaptionOperation1; };
    '...
    Operation { Name = sNameOperationN; Caption = sCaptionOperationN; };

    Script {
        Subs and Functions
    };
};

Բաղադրիչներն են՝

Պարամետր	Նկարագրություն
sAccName	Հաշվառման ներքին անուն, որի երկարությունը 2 է։
sAccCaption	Հաշվառման անվանում։
sMainFolder	Հաշվառման ենթակա օբյեկտների/փաստաթղթերի թղթապանակի ներքին անուն, որոնց վրա կատարվում են գործառնույթններ և պահպանվում մնացորդները։
sAccFolder	Հաշիվների թղթապանակի ներքին անուն, այդ հաշիվները մասնակցում են դեբետի կամ կրեդիտի թղթակցությանը։
nCurrencyPresent	Հաշվառման արտրժույթային լինելու հայտանիշ։ 0 կամ 1 արժեք ընդունող։
nRemainderPresent	Հաշվառման մնացորդային լինելու հայտանիշ։ 0 արժեքի դեպքում հաշվառումը պահպանում է միայն կատարված գործառնությունները։ 1 արժեքի դեպքում հաշվառումը միայն գումարային է, և պահպանվում է մնացորդը ըստ դեբետ-կրեդիտների։
nLimitCheck	Հաշվառման մեջ գումարային սահմանաչափի ստուգման հայտանիշ։ 0 կամ 1 արժեք ընդունող։ Մինչ գործառնության գրանցումը, վերջնական մնացորդը նախապես ստուգվում է նշանակված ստորին-վերին սահմանների հետ։
nRoundSumma	Հաշվառման դրամային մասի կլորացման աստիճանը (տասական ստորակետից հետո նիշեր)։
nRoundCurSumma	Հաշվառման արժույթային մասի կլորացման աստիճանը (տասական ստորակետից հետո նիշեր)։
sLinkedAccounting	Կցված հաշվառման կոդը։ եթե նշված պարամետրը առկա է, ապա սահմանաչափի գումարի ստուգման ժամանակ մնացորդի մեջ ներառվում է նաև կցված հաշվառման մնացորդը։ Այսինքն կցված հաշվառման մեջի մնացորդը գումարվում է հիմնական հաշվառման մնացորդին, հետո միայն ստուգվում սահմանաչափերը։
sAccDescription	Հաշվառման հակիրճ նկարագրությունը։
sFactHeader	Գործառնության նախնական ցուցադրման պատուհանի գլխագրի ձևանմուշը։ Գործառնությունների և մնացորդների նախնական ցուցադրման պատուհանը կարող է և չցուցադրվել։ Պատուհանի բովանդակությունը լրացվում է DisplayFact և DispayRem համակարգային իրադարձությունների մշակիչի մեջ։
sRemHeader	Գործառնության նախնական ցուցադրման պատուհանի մնացորդների գլխագրի ձևանմուշը։ Գործառնությունների և մնացորդների նախնական ցուցադրման պատուհանը կարող է և չցուցադրվել։ Պատուհանի բովանդակությունը լրացվում է DisplayFact և DispayRem համակարգային իրադարձությունների մշակիչի մեջ։
nVersion	(Հնացած) Սահմանում է հաշվառման նկարագրության տարբերակի համարը։ Որը ամրագրված է հետագա օգտագործման համար։
sNameOperation	Հաշվառման գործողության կոդը:
sCaptionOperation	Հաշվառման գործողության անվանումը։
Subs and Functions	Նկարագրության սկրիպտային բաժին, որը կարող է պարունակել ինչպես համակարգային իրադարձությունների մշակիչներ, այնպես էլ օգտագործողի կողմից գրված պրոցեդուրաներ և ֆունկցիաներ։

Նկատառումներ

Եթե գործառնության նկարագրության մեջ գործողություններ նկարագրված չեն, այդ դեպքում հաշվառման մեջ ցանկացած գործողություն թույլատրվում է։